平安夜

結婚禮物

今天是你們的大日子，原本是一件開心事點解要搞成咁呢？最後用這種方式來傷害我們。

已經請了假和預備好禮物，算了，自己留為紀念吧！爸爸雖然你沒有說，但我知你一定好難過。

呢段日子需要難過，多謝身邊支持我的朋友們！

結婚週年紀念

剛過去的12日是我同老公的結婚週年，老公知道我最近唔開心，所以買咗條金鍊送俾我，而我就買咗個水晶太陽花送俾佢。

當日早上煮咗早餐俾老公食，忌廉湯腸仔四寶丸螺絲粉和餐蛋治。

跟住去咗海洋公園玩，第一次見到小熊貓好開心。

晚上去咗附近嘅 L'Hotel 食 Dinner Buffet...好滿足的一天。

睡眠負債

睡眠負債

經過連日的失眠，擒晚終於有覺好瞓喇！但有啲打敗仗嘅跡象，今晚仲要同啲同事食韓燒，我諗食完真係要去見醫生。
屋企啲事真係要放手了！要對自己好啲...同埋要錫多啲值得珍惜嘅人。過多幾日就係結婚週年嘅日子，我已經預備咗禮物亦打算去影番輯相，希望老公會鍾意啦！

家

「家」是與所愛的人相聚的地方、是身心靈疲累時歇息的地方、是人心靈的避難所、是阻擋風雨的堡壘。家的外殼是由一塊塊的磚頭砌成，內裡的一物一具卻都帶有其特色與豐富的情感。
其實，真正的家是由兩顆以上的心所建築起來的，不在乎它是滿有氣派的山頂豪宅，或者是在山腳破漏的平房，親情與愛情才是「家」真正的基礎。可惜今天許多人卻過分著重在建築家的外殼，揮霍金錢在裝璜房子和傢具上，而忽略了「家」的內涵。一家人縱使身居七房三廳的大豪宅，裏面若無愛情與親情，就失去了家的意義。